350 მ2 საგურამოში ხის სტილში გადაწყვეტილი კერძო სახლი
„რუმ დიზაინ გალერეამ“ საგურამოს ერთ-ერთ პრესტიჟულ და ეკოლოგიურად ჯანსაღ გარემოში კიდევ ერთი კერძო სახლის პროექტი დაასრულა, რომლის მთავარი იდეაც მთლიანად ბუნებრივი მასალებით დაფარვის კონცეფცია იყო.
სახლის საერთო ფართობია 350 მ2, რომელიც გაფორმებულია ეკლექტიკური სტილით, სადაც შეგიძლიათ შეხვდეთ აღმოსავლურ მოტივებსა და კოლონიურ სტილს.
არქიტექტურულად გადაწყვეტილია მთელი პანორამული სტილი, რათა მაქსიმალურად იყოს სინქრონიზებული ბუნებრივი პეიზაჟები ინტერიერთან და ორგანულად შერწყმული იყოს ინტერიერის ხის მასალების ბუნებრივი განლაგება, სადაც არსებული ფიჭვნარის სილამაზით ტკბობა ნებისმიერი ოთახიდან იქნება შესაძლებელი.
სამზარეულო სასადილო ოთახთან არის შერწყმული და კედელზე ჩამოკიდებული ტრადიციული სამზარეულოს წინსაფრის ნაცვლად, ელეგანტურად არის შერწყმული ბუნებრივი ქვის დეტალები, რომელიც ყოველთვის გამოიყენება ევროპის ძველმოდურ სტილში.
ბინაში ასევე არის მოსასვენებელი ოთახი კონფიდენციალურობისა და სიმშვიდისთვის, რომელიც სტილისტურად მოგვაგონებს ძველ სტილს, რომელიც დაკავშირებულია საძინებლებთან და შესაბამისად, ჰარმონიულად გადადის საძინებლის მშვიდ გარემოში.
ბინის ბოლო სართული კვლავ სიმშვიდისა და წყნარი გარემოსთვისაა განკუთვნილი, სადაც შეგიძლიათ სტუმრებთან ერთად განცალკევდეთ და მასიური ხის ფანჯრებიდან ბუნების სილამაზით დატკბეთ.
დეკორატიული სივრცის დარჩენილი ელემენტები - მასიური ხის ჩარჩოში ჩასმული მსოფლიო რუკა და სამზარეულოს დანარჩენი ინვენტარი რეტრო სტილშია დამზადებული, ასევე, ჭაღები ინტერიერს განსაკუთრებულ ვინტაჟურ ელფერს სძენს.
